新兵極速融入 法福拜仁半大要得過

2022-08-05
新兵極速融入 法福拜仁半大要得過 2022年08月05日 太阳日报 除咗英超,德甲今晚亦揭開戰幔!開鑼戰由法蘭克福主場火並拜仁慕尼黑。「法福」獲決心踢爭氣波嘅馬里奧葛斯加盟,攻力提昇,班霸拜仁更豪使1.5億歐元(約12億港元)大事擴軍,新兵沙迪奧文尼亦極速融入,加上雙方近年碰頭入局例快,1.5球嘅半場大咪錯過。
文尼撻著騷哥利
法蘭克福上季勇奪歐霸,藉此獲得今屆歐聯入場券,為咗應付多線作戰,球隊除咗簽入南特前鋒高路梅安尼,以及利華古遜前鋒艾拿利奧,亦獲得進攻中場馬里奧葛斯來投;呢位2014年世盃決賽為德國一箭定江山嘅英雄,近年效力荷甲(荷甲,HOL D1)燕豪芬表現有番起色,為力爭重返「日耳曼兵團」再戰年底舉行嘅世盃決賽周,今夏重返德甲加盟法蘭克福,斗心毋庸置疑,連同原班陣容包括菲臘高斯迪、鎌田大地、山度士波里等,攻力有保證。
經歷一段時間嘅轉會風波擾攘後,拜仁雖然留唔住王牌前鋒羅拔利雲度夫斯基,但佢哋今季斥資1.5億歐元大事增兵,獲得利物浦前鋒沙迪奧文尼、祖雲達斯中堅馬菲斯迪歷特等相繼加盟,陣容依然星光熠熠,同時令內部競爭更趨激烈。
拜仁於上周德超盃(德超杯,GER SC)激戰RB萊比錫贏5比3,該仗文尼表現搶鏡攞到「士哥」,值得留意係拜仁5個入球均由唔同球員取得,連失去正選嘅利萊辛尼,後備落場都喺末段埋齋,大軍火力全開。睇番兩隊近7次交手,有5次半場開出2球或以上,可見大家於初段表現搶韁,半場大不容錯過。
关于我们 | 联系方式 | 帮助中心 | 友情链接 | 网站地图 | 手机版
Copyright © 2017 - 2022 体育圈 All Rights Reserved  粤ICP备18111085号-1
微信扫描立即关注
安卓APP