歐聯攻略：新敗損士氣 曼聯捱細界
2022年10月06日
太阳日报
歐霸盃(
欧罗巴,
UEFA EL)E組賽事，曼聯作客塞浦路斯球隊奧摩尼亞，「紅魔鬼」上仗打吡戰慘敗，士氣受打擊，加上主帥坦哈格今仗或遣副選上陣，不宜高估。奧摩尼亞自知實力唔及對手，勢必「泊大巴」死守，以曼聯近3場歐霸盃總入球全開2球或以下嘅走勢，一於博中位數2.5球嘅入球細。
C朗態沉難有作為
曼聯上仗打吡戰畀曼城宰割之餘，中堅華拉尼更加受傷離場，難得今場對手較弱，坦哈格應會作出輪換，已淪為後備嘅C朗有望擔正，但呢位葡萄牙國腳狀態低迷，由佢負責攻堅恐影響球隊入波機會。
奧摩尼亞喺分組賽兩戰全敗入得一球，對住曼聯惟有死守望搶分。事實上「紅魔鬼」亦冇必要大炒對手，隨時入波後放慢節奏，留力踢
英超(
英超,
ENG PR)好過。
