澳职抢入前6熟晒路 凤凰当西悉冇到
2022年05月05日
太阳日报
今日下午澳职独脚戏，要抢分争入季后赛嘅惠灵顿凤凰作客
西悉尼流浪者(
西悉尼流浪者,
Western Sydney Wanderers)。凤凰系7支仍有得争季后赛资格球队之一，斗心不容怀疑，而且佢哋今季斗悉尼球队成绩唔差，5战获2胜2和1负，受让梗系拣惠灵顿凤凰让球客胜。
常规赛剩番两轮，西悉尼流浪者已经冇机会杀入前6，今场波斗心成疑，事实上，佢哋已经连续5季未能跻身季后赛，球队整体发展方向出现咗问题。西悉近8场只系赢得1场咁大把，唔系话今场主场就好信得过，最大问题系佢哋攻击力麻麻，24战只入得28球，澳职入波数字排倒数第3。
惠灵顿凤凰因为疫情问题，到咗4月中先至真系返新西兰主场比赛，之前接近半年时间，都留喺澳洲用悉尼一个球场做主场，所以喺悉尼熟晒地步。球队今季斗FC悉尼、FC麦克阿瑟同西悉3支悉尼球队成绩唔错，5战获2胜2和仅1败，包括两周前喺「真主场」天空球场击败今场对手「西悉」。球队要力求打入季后赛，最后两场必定搏尽抢分，今场仲有得受让，让球客胜超抵玩。
